CentralBooks

ABOUT Fermin J. Salvador

Isinilang, lumaki, at nag-aral si Fermin sa mga paaralang pampubliko sa Tundo, Maynila. Nagsimula siyang maging "komikero" (alagad ng komiks) bilangmanunulat noong taong 1985 sa Atlas, GASI, at nang lumao'y sa kung saan-saan pang komiks publications. Kaalinsabay nito'y napabilang sa iba't ibang organisasyong may kaugnayan sa literatura, pamamahayag, kultura, at iba pang nagtataguyod sa kapakanan ng bansa. Kabilang sa mga pinakaaktibo sa hanay ng mga kabataang "komikero" noong dekada 80 at mga unang taon ng dekada 90. Nakapaglathala rin siya ng mga tula, maikling kuwentong prosa, artikulo, at nobelang popular. Naging patnugot ng komiks, magasin, pocketbook, at pahayagan. Premyadong manunulat ng Komisyon sa Wikang Filipino. Siya'y produkto ng Philippine News Agency (PNA). Naging "senior inspector" (captain) sa Bureau of Jail Management and Penology (BJMP) at nahirang na "Junior Officer of the Year" noong 2003. Bilang unipormadong opisyal, siya'y naitalaga (at nanirahan) sa iba't ibang rehiyon at sulok ng Pilipinas na pinakamatagal ay sa Mindanao. Nagtapos ng Bachelor of Science in Education major in Communication Arts in English and Filipino sa PLM at Bachelor of Laws sa Lyceum of the Philippines. Nakabase ngayon sa Illinois sa Estados Unidos. Sa angking lawak ng karanasan sa industriya at larangan ng komiks, si Fermin ay maituturing na isang "dalub-komiks" at kagaya ni Randy Valiente at iba pa ay nabibilang sa hanay ng mga kabataang may marubdob na mithiing maisulong ang kapakanan ng komiks bilang mahalagang bahagi ng kulturang popular ng bansa.

Fermin J. Salvador

Items per page: 20 | Showing 1 - 1 of 1 items